____

 Achtung! BLAST FROM THE PAST!

 По краткото појавување на УКИМ годинава, и поради зголемениот пројавен интерес од ваша страна, по повеќе од 10 години подоцна, првиот оригинален и на-сечии-родители-омилен-вистински-cover band Retro Cabaret е назад со целовечерен концерт!!!

 Дами и господа, родители и драги наши бумери, ветуваме и остваруваме. Општеството во секој сегмент се развива регресивно, бродовите во Вардар тонат, сите се вратија на сцена, па зошто не и ние на сето наше творештво. Чест ни е да ве поканиме на целовечерен концерт во Public Room кој ќе се одржи на 30-ти ноември и стварно-не-знаеме-кога следен пат (не лажеме). 

 Строго лимитирани 250 влезници!

 Retro Cabaret е првиот и вистински supergroup cover band и превоз преку македонската поп / рок музичка историја “извозен” во различни музички жанрови. Оформени во летото 2007 година, зад себе го имаат EP-то “Скопје” (јули 2008г.) и live изданието “Саботу на Балада (Live @ Kenzo Tange, 24.12.2011)” (декември 2021г.) како и голема листа на незаборавни шлагер/поп/рок искуства. Во бендот членуваат музичари од повеќе познати македонски алтернативни/рок групи.

 За фанови на: Макфест, евергрини, 90-ти, #ПораноБешеБоље (не беше), Златно Славејче, албумот Сафизам, бесконечно стоење во место и бродови кои тонат во Вардар.