Нова ТРИбина наменета за секого! Креативното пишување, заедно со сите алатки и вештини што
ги вклучува, е повеќе од потреба во секоја сфера на современото работење.

На 22 мај, од 20 часот, ве очекуваме во Јавна соба на необично практично предавање посветено
на пишувањето.

Дали за пишување е неопходна дарба или е резултат на совладана техника? Дали мора да сме
креативни за да можеме да пишуваме? Колку креативното пишување е дел од сечија работа?

Секое прашање нема одговор, но секој одговор има свое прашање. Понекогаш реторичките
прашања што ни се јавуваат во главите се позначајни од секој одговор.

Ве очекуваме да пишуваме и да се запрашуваме, а и да откриеме понекој одговор од еден од
најголемите домашни писателски умови. Зар постои подобар советник за пишување од авторот
кој ни остави ремек-дела како „Папокот на светот“ и „Папокот на светлината“?

Влезницата чини 500 денари, а во цената се вклучени консумација и пригодни подароци.

Ве очекуваме!