Меѓународен Ден на Планината 2024

За сите кои сакаат да земат учество на годинешното одбележување на Денот на планината, ПСК Скопска Црна Гора организира превоз и учество на планинарската акција како подршка на домаќините и организатори ПСК Осогово и ФПСМ.

Пониква е избраната локација, а крајната точка е највисокиот врв Панаѓур 1669 мнв. (нависокиот врв на Пониква, Осоговски планини)

Акцијата е лесна и погодна за почетници планинари со должина на патеката од 7 км и висинска разлика за совладување од околу 300м.

Опис на акцијата
Стартот е од паркингот на детското одмаралиште Пониква. Ќе се движиме по кружна и лесна планинарска патека, каде првиот дел е претежно низ шума, а вториот дел е колски пат. Патеката води до врвот Панаѓур, 1669мнв кој е највисоката точка на Пониква. На врвот правиме мала пауза за чај, и воедно, ќе можеме да видиме многу македонски планини, како и планини во Србија, Бугарија, Грција, Албанија. Од врвот се упатуваме кон целта- манастирот Св. Василиј каде ќе имаме можност да се дружиме и уживаме во забавниот дел од програмата. Патеката е кружна, со должина од 7 км, елевација 300 метри, и вкупно пешачење од 4 часа.

Превоз
Организиран превоз во износ од 700 денари.

Поаѓање:
Скопје, Паркинг спроти Ист Гејт мол. 7:00 часот

Опрема
Акцијата ќе биде изведена во зимски услови. Секој учесник треба да има соодветна зимска опрема:

• добро разгазени зимски планинарски обувки
• зимска облека во слоеви
• планинарски стапчиьа
• очила, ракавици, капа
• и широка насмевка🤗.
  Важни информации:
• учесниците треба да се во добра здравствена и психофизичка состојба
• секој учесник потребно е да си понесе прибор за јадење (чинија, лажица, вилушка, чаша)
• организаторот домаќин има организирана пригодна забавна програма по завршување на на акцијата.
• организаторот домаќин го задржува правото за промена на програмата.
• организаторите домаќини имаат обезбедена организација и водство при учество на акцијата.