____

Во Ноември месец оваа година, во Кратово, родниот град на легендарната Вања Лазарова, се одржа Втората по ред манифестацијата „Денови на Вања Лазарова”, посветена на македонската народна музичка традиција и наследство.

Во рамките на манифестацијата се организираше интензивна музичка работилница по народни инструменти и народно пеење на која учествуваа талентирани ученици од музичките училишта: ДМБУЦ ,,Илија Николовски – Луј”- Скопје – традициски играч-пејач; ДМУЦ ,,Сергеј Михајлов” – Штип; ООМУ – Струга; ЕМЦ ,,Наши ноти”- Скопје под менторство на предавачите: м-р Тијана Јаневска и Филип Арилон. Програмската содржина на работилницата беше исклучиво со песни од богатиот репертоар на Вања Лазарова, од која содржина произлезе свечен Концерт на традиционална музика отсвирана и отпејана на млади ученици – уметници. Целта на оваа манифестација е популаризација на музичкиот акумулат кој е оставштина на оваа музичка легенда, во едукација и развој на младите музичари.

Токму во интерес на исполнување на целта на оваа манифестација, со особена радост се организира и овој концерт во Скопје за што поголема видливост на проектот.

____